Happy Dodo!

Liebi Muus, ich gratuliere Dir au uf dem Wäg no zum Geburtstag und wünsche Dir en wunderschöne Tag und ‎z'Abig äs ruuschends Fäscht;-) Für Action dihei isch ja sit geschter gsorgt. Euse Feriegascht, d'Rena, haltet ‎eus uf Trab und holt Dich so wie sie's vo dihei gwöhnt isch am halbi Sächsi us em Bett;-) Ich find's super, dass ‎s'Wätter voll uf Weekend igstellt isch und mir äs lässigs und sunnigs verlängerets Weekend mitenand chönd ‎verbringe. Speziell freu ich mich scho uf morn Abig, wänn mer zäme gönd go dä Letzi rocke bim Coldplay ‎Konzert. Gschänkli poschted mer dänn wiä abgmacht i dä USA. Insider wüssed ja, dass ich im Juni grad zwei ‎Wuche Pikett han und s'Konto somit im Juli förmlich dena schreit gruumt z'werde;-) Yeah, äs chömed ‎spannendi Wuchene und Mönet uf eus zue, wo mer zäme mit eusne Kids chönd gnüsse.‎

Was söll i no säge? Ich lieb Dich! {easycomments}‎